"Han the Robot" waits on stage before a discussion about the future of humanity in a demonstration of artificial intelligence (AI) by Hanson Robotics at the RISE Technology Conference in Hong Kong on July 12, 2017. Artificial intelligence is the dominant theme at this year's sprawling RISE tech conference at the city's harbourfront convention centre, but the live robot exchange took the AI debate to another level. / AFP PHOTO / ISAAC LAWRENCE (Photo credit should read ISAAC LAWRENCE/AFP/Getty Images)

«Սինհուա» լրատվական գործակալությունը եւ չինական Sogou համացանցային ընկերությունը ներկայացրել են արհեստական ինտելեկտի հիման վրա ստեղծված առաջին թվային հեռուստահաղորդավարին: Հինգշաբթի Չինաստանի Կենտրոնական հեռուստատեսությունը հայտնել էր, որ շնորհանդեսը տեղի է ունեցել Ուչժեն քաղաքում անցկացված համացանցի կառավարման 5-րդ համաշխարհային համաժողովում, փոխանցում է ՏԱՍՍ-ը:

Մշակողների պարզաբանմամբ՝ բավական է ծրագիր ներբեռնել ողջ մարդու մասնակցությամբ տեսանյութ, որից հետո արհեստական ինտելեկտը ինքնուրույն վերլուծում է նրա միմիկան, խոսելու եղանակը, ժեստերը, ինչպես նաեւ ձայնը եւ զգացումները: Այնուհետեւ այս տեսանյութի հիման վրա կստեղծվի թվային մոդելը, որը հոլոգրամի տեսքով կարելի է օգտագործել հեռուստահաղորդում պատրաստելիս: Այսպիսի թվային լրագրողի համար անհրաժեշտ է եթերի նկարահանումից առաջ միայն պատրաստի տեքստը ներբեռնել, որից հետո հոլոգրամը ինքն այն կկարդա մարդու կամ ընտրված ցանկացած ձայնով՝ այդ ընթացքում պատճենելով «նախնական» իրական կերպարի ժեստերն ու միմիկան:

Ծրագրի պրեմիերայի համար ընտրվել էր չինացի հայտնի հեռուստահաղորդավար Ցյու Հաոյի կերպարը: Շնորհանդեսի ժամանակ նրա հոլոգրաֆիական «կրկնակը» ինքնուրույն պատմել է տեխնոլոգիայի հեղինակների եւ դրա առանձնահատկությունների մասին:

Մշակողները նշում են, որ այսպիսի «արհեստական» հեռուստահաղորդավարները կարող են 24 ժամ աշխատել եւ առանց հանգստյան օրերի: