«Հրապարակ» թերթը գրում է. «Ծառուկյան-Փաշինյան հուշագիրը խառնել է քաղաքական դաշտի խաղացողների խաղաքարտերը։ Բանն այն է, որ իշխանությունը վստահեցրել է, որ չի խանգարի Ծառուկյանին խորհրդարան մտնելու հարցում, քաղաքական հետապնդումներ, ճնշումներ չեն իրականացվի, իսկ դա նշանակում է, որ մյուսները կպայքարեն երրորդ և չորրորդ տեղի համար։

Մինչդեռ շատերը հույս ունեին, որ Փաշինյանն ի վերջո Ծառուկյանին քաղաքականությունից կհեռացնի, և ԲՀԿ-ն կդադարի մրցակից լինելուց, ինչն իրենց առջև նոր հորիզոններ կբացի։ Ինչպես ասում են՝ չկան հավերժ թշնամիներ, կան միայն շահեր»: