News.am գրում է. «Մեր երգիչ, երգչուհիները, որոնք հայրենասիրական երգեր են երգում, տասնամյակներ շարունակ չեն ներկայացրել հարկային հայտարարագրեր: Այս մասին, այսօր՝ սեպտեմբերի 10-ին, լրագրողների հետ հանդիպման ժամանակ նշել է ՊԵԿ նախագահ Դավիթ Անանյանը:

Նրա խոսքով, բոլորս էլ գիտենք, որ մեր երգիչ, երգչուհիները օրինակ, հարսանիքներում երեք երգի դիմաց որոշակի գումար են պահանջում, որի համար նա պետք է հարկային հայտարարագիր ներկայացնի եւ հարկեր վճարի. «Օրենքով կա այդպիսի պարտադիր պայման վերջին 25 տարիների ընթացքում»,-ասաց Դավիթ Անանյանը՝ հավելելով, որ մինչեւ սեպտեմբերի վերջ դեռ ժամանակ կա, եւ կարող է շատերը ներկայացնեն նման հայտարարագրեր»։