«Սասնա ծռեր» կուսակցության նախաձեռնող խումբը հայտարարություն է տարածել

Սասնա Ծռեր կուսակցության ստեղծման ընդլայնված նախաձեռնող խումբը, նպատակ ունենալով կազմակերպելու Կուսակցության՝ 2018 թ. սեպտեմբերի 29-ին կայանալիք հիմնադիր համագումարը, 2018 թ. օգոստոսի 29-ին իր գրասենյակում /Ալեք Մանուկյան 5/5, մուտքը՝ Սայաթ Նովա պողոտայի կողմից/ հրավիրված անդրանիկ նիստում որոշեց Նախաձեռնող խմբի կառուցվածքը և գործառույթները, Նախաձեռնող խմբի անդամների առաջին հանձնառությունները համագումարի կազմակերպման և Կուսակցության նոր անդամների ներգրավման վերաբերյալ:

Նախաձեռնող խմբի անդամները նաև մտքեր փոխանակեցին Կուսակցության ծրագրի և կանոնադրության նախագծերի հիմնական դրույթների բովանդակության մասին: Սասնա Ծռեր կուսակցության ստեղծման նախաձեռնող խումբը, հիմք ընդունելով իր որոշումները, Հայաստանում և Արտերկրրւմ բնակվող ՀՀ քաղաքացիներին կոչ է անում ակտիվորեն անդամագրվել Սասնա Ծռեր կուսակցությանը, այդ նպատակով նախապես գրանցվելով հետևյալ հղումով

(https://docs.google.com/forms/d/e/1FAIpQLSfYOOs11GOPRGGN8ufX4n5HgFgsD1R6_OPTmvi-tkxcaTIXHA/formResponse՝)

կամ այցելելով Նախաձեռնող խմբի գրասենյակ:

Նախաձեռնող խմբի հաջորդ նիստը տեղի կունենա 2018 թ. սեպտեմբերի 5-ին, ժամը 18:30-ին, իր գրասենյակում:

 Սասնա Ծռեր կուսակցության ստեղծման ընդլայնված նախաձեռնող խմբի անդամներ